Përshëndetje Rudina,

po ta ripostoj këtu përgjigjen time. Nuk di nëse sistemi informatik i Proz-it ka ndonjë problem por, këtë pyetje Kudoz nuk e gjej dot nga lista e pyetjeve të tjera KudoZ, vetëm nga link-u që dha moderatorja.
"deposito a rendere" është thjesht një depozitim parash me qëllimin e përfitimit të një përqindjeje interesash periodikisht (it. "il profitto").
E ke dëgjuar shprehjen "X vive di rendita"?. Pra, X jeton me fitimet që merr nga depozitimet bankare.
Në shqip duhet të jetë "fitim" por përdoret edhe "rentë" prej nga rrjedh edhe termi ekonomik "rentabilitet".

Ky është koncepti bazë, që pastaj i duhet adaptuar kontekstit tënd.

Nuk e njoh mirë kontekstin e ri të taksave mbi mbeturinat në UE, në veçanti konceptin e taksave "con deposito a rendere". Mesa duket "deposito a rendere" dhe "deposito sui vuoti a rendere" janë dy sisteme për administrimin e mbeturinave, shisheve etj. Në rastin e parë, gjatë blerjes së, p.sh. një shisheje birre, qytetari jep (depoziton) edhe një sasi të vogël të hollash për shishen: në rast se e ruan quitancën e blerjes (it. ricevuta fiscale), mund të shkojë tek shitësi edhe të marrë mbrapsht paratë që ka paguar vetëm për shishet.


--------------------------------------------------
Note added at 3 days1 hr (2009-01-19 16:35:09 GMT)
--------------------------------------------------

Rudina, meqë më pyete privatisht për informacion mbi mbylljen e pyetjes dhe dhënien e pikëve, ndoshta moderatorja (Fabiana) mund të të ndihmojë më tepër, por mund të të them që poshtë njërës prej dy përgjigjigjeve që ti preferon, gjendet një buton i tipit "Select this answer as most helpful", ndiq instruksionet pasi ke klikuar aty edhe këhtu e mbyll pyetjen dhe i jep pikët që dëshiron.
Falemnderit dhe gëzohem që të kam ndihmuar sadopak,

Genta